Eze 41 | Ndebele | STEP | Wasengingenisa ethempelini , walinganisa imigubazi , ububanzi babuyizingalo eziyisithupha ngapha, lobubanzi buyizingalo eziyisithupha langapha, ububanzi bethente .

1 Wasengingenisa ethempelini ^{a
,} ^b, walinganisa imigubazi ^c, ububanzi babuyizingalo eziyisithupha ngapha, lobubanzi buyizingalo eziyisithupha langapha, ububanzi bethente ^d. 2 Lobubanzi bomnyango babuzingalo ezilitshumi ^e; lamacele omnyango ayezingalo ezinhlanu kulolu uhlangothi, lezingalo ezinhlanu kuloluya uhlangothi. Waselinganisa ubude balo, izingalo ezingamatshumi amane ^f, lobubanzi, izingalo ezingamatshumi amabili ^g. 3 Wasengena ngaphakathi ^h, walinganisa umgubazi womnyango ⁱ, ingalo ezimbili; lomnyango, ingalo eziyisithupha; lobubanzi bomnyango, ingalo eziyisikhombisa. 4 Waselinganisa ubude bayo, ingalo ezingamatshumi amabili ^j; lobubanzi, ingalo ezingamatshumi amabili, ngaphambi kwethempeli ^k. Wasesithi kimi: Le yingcwele yezingcwele ^l.

5 Waselinganisa umduli wendlu, izingalo eziyisithupha; lobubanzi bamakamelo aseceleni ^m, izingalo ezine, inhlangothi zonke ezizingelezele indlu inhlangothi zonke. 6 Njalo amakamelo aseceleni ⁿ ayemathathu ^o, ikamelo eliseceleni phezu kwekamelo eliseceleni, aphindwa ngamatshumi amathathu; njalo angena emdulini owawungowendlu yamakamela aseceleni inhlangothi zonke ezizingelezeleyo ^p, ukuze abe lokubambeka, kodwa angabambeki emdulini wendlu ^q. 7 Kwaba khona ukuqhela ^r, lokuzingelezela kusenyuka lokwenyuka kusiya emakamelweni aseceleni ^s; ngoba ukuzingelezela kwendlu kwaqhubeka kusenyuka inhlangothi zonke ezizingelezele indlu; ngokunjalo-ke ububanzi bendlu baba sekwenyukeni; ngakho-ke kwenyuka ^t kusuke kweliphansi kusiya kweliphezulu ngelingaphakathi ^u.

8 Ngabona futhi ukuphakama kwendlu inhlangothi zonke ezizingelezeleyo; izisekelo zamakamelo aseceleni ^v zazingumhlanga ogcweleyo; ingalo kwakuyimihlanga eyisithupha ^w. 9 Ubuqatha bomduli, owawungowekamelo eliseceleni ngaphandle ^x, babuzingalo ezinhlanu; njalo okuseleyo ^y kwakuyindawo yamakamelo aseceleni ^z ayengakuyo indlu. 10 Laphakathi kwamakamelo kwakulobubanzi ^aa bengalo ezingamatshumi amabili inhlangothi zonke zendlu, inhlangothi zonke ezizingelezeleyo ^ab. 11 Lezivalo zamakamelo aseceleni ^ac zazingakukho okuseleyo ^ad, esinye isivalo ngasendleleni yenyakatho, lesinye isivalo ngaseningizimu; lobubanzi bendawo yokuseleyo ^ae babuzingalo ezinhlanu inhlangothi zonke ezizingelezeleyo. 12 Mayelana lesakhiwo esasiphambi ^af kwendawo eyehlukanisiweyo ^ag ehlangothini ngendlela yentshonalanga ^ah, ububanzi babuyizingalo ezingamatshumi ayisikhombisa; lomduli wesakhiwo wawuzingalo ezinhlanu ngobuqatha inhlangothi zonke ezizingelezeleyo, lobude bawo babuzingalo ezingamatshumi ayisificamunwemunye.

13 Waselinganisa indlu, ubude babuyizingalo ezilikhulu; lendawo eyehlukanisiweyo ^ai, lesakhiwo, lemiduli yayo, ubude babuyizingalo ezilikhulu ^aj; 14 lobubanzi bobuso bendlu, lobendawo eyehlukanisiweyo ngasempumalanga ^ak, izingalo ezilikhulu ^al. 15 Waselinganisa ubude besakhiwo maqondana ^am lendawo eyehlukanisiweyo eyayingemva kwaso, lemikhandlo yaso ngapha langapha ^an, izingalo ezilikhulu ^ao, lethempeli elingaphakathi, lamakhulusi eguma. 16 Imibundu ^ap, lamawindi avaliweyo ^aq, lemikhandlo inhlangothi zonke ^ar kokuthathu ^as, maqondana lombundu ^at, kwembeswe ngamapulanka azingelezeleyo inhlangothi zonke, kusukela emhlabathini kusiya emawindini; amawindi-ke ayesibekelwe; 17 kuze kube phezu komnyango, kuze kube sendlini engaphakathi lengaphandle, lakuwo wonke umduli inhlangothi zonke uzingelezele ngaphakathi langaphandle, ngezilinganiso. 18 Njalo kwakwenziwe ngamakherubhi* ^au lezihlahla zelala, kuze kuthi isihlahla selala sasiphakathi kwekherubhi lekherubhi; njalo yilelo lalelo ikherubhi lalilobuso obubili ^{av
,} ^aw. 19 Kuze kuthi ubuso bomuntu babukhangelene lesihlahla selala ngapha ^ax, lobuso bebhongo lesilwane bukhangelene lesihlahla selala ngapha. Kwakwenziwe endlini yonke inhlangothi zonke ezizingelezeleyo. 20 Kusukela emhlabathini kuze kube phezu komnyango kwakwenziwe amakherubhi ^ay lezihlahla zelala, lasemdulini wethempeli ^az. 21 Imigubazi yethempeli ^ba yayilingana inhlangothi zone ^{bb
,} ^bc; mayelana lobuso bendawo engcwele ^bd, isimo sobunye sasinjengesimo sobunye. 22 Ilathi lesigodo ^be lalizingalo ezintathu ngokuphakama, lobude balo buzingalo ezimbili, lamagumbi alo, lobude balo, lemiduli yalo, kwakungokwezigodo. Wasesithi kimi: Leli litafula ^bf eliphambi kweNkosi ^bg.

23 Kwakulezivalo ezimbili kulo ithempeli ^bh lakuyo indawo engcwele ^bi. 24 Njalo izivalo zazilempiko ezimbili ^bj, impiko ezimbili ezitshibilikayo ^bk; ezimbili ezesivalo esinye, lempiko ezimbili ezesinye. 25 Njalo kwenziwa kuzo, kuzo izivalo zethempeli ^bl, amakherubhi ^bm lezihlahla zelala ^{bn
,} ^bo, njengokwakwenziwe emidulwini ^bp; kwakulamapulanka aqatha ebusweni ^bq bekhulusi ngaphandle ^br. 26 Kwakukhona amawindi avaliweyo ^bs lezihlahla zelala ^bt ngapha langapha, emaceleni ekhulusi ^bu lamakamelo endlu eceleni ^bv lamapulanka aqatha ^bw.